无题

今日翻学个阵见到初中的师姐，我仲记得距，所以sayhi，距好耐都反应唔到过来，讲翻每学期例牌一次查车牌我地部车被扣埋一齐先有翻印象，"你边个校区啊?"...(喂都系同一车站落车仲走得去边?)..."哦可能我地系埋一齐考试过啦"，"嗯嗯应该系了"...

讲左几句就讲翻初中，"你依家有冇同初中D人联络?"，我话"过年叫出来饮过茶啦"."唉好XXXXX啊同距地一齐，唔系中大就系华师，个阵派录取通知书呢，距地第一批，收到就问我拿左未"，冇也讲."你高中都响5中?"，"唔系啊，响41"，"敢我同你一样啦，我响11".又问"你坐咩车啊?"，"244"，"我坐186，远D，不过有位坐"...

以前细啦可能，当距女神敢，大姐明，有住不羁的混血儿面容，举手投足散发着一种令小弟弟们倾倒的大哥气质，依家距仲系距，右手插裤带"揽"住把缩骨遮，讲也几快，把声沙沙地，不过讲的都是初中嘅也，好似清朝遗老敢对过去的日子感叹不已.我已经唔想谂翻个阵D也，但原来有依D谂法嘅人唔只我一个，失败者的集体回忆?笑面虎盛哥的话好似诅咒，"你不会忘记在5中的3年"...

放学见到距在草地上来回走着打电话，听日搭186试下