内容
寻晚搞紧机时忽然"BIBO"一声成间屋黑晒，对面楼"呵"一声"冇电"，然后唧唧喳喳的抱怨声.好在我仲记得蜡烛摆响橱柜的侧边，点左两支蜡烛，一支稳个豉油碟盛住(当然系几年冇装过豉油的碟)，一支放响个高高地的笔筒里面，老窦行出厅饮埋投先饮紧的酒，笑我冇电的时候先来执台.
出面好静，个天红红地，有零星的黄色蜡烛，记得好多年前家家户户都有白色的手持应急灯，所以冇电的时候从窗户透出来的都是白光，但依家可能都扔晒咯，所以系点蜡烛.由于好黑，冲凉就吴关窗，有风吹真系爽.冇也做的时候就会谂起距，打比距，呵呵呵，距提议话冇电就落街行下啦.敢就落街行下啦，都系因为黑，所以着左妈咪一件好似风衣的衫，吴知叫乜衫，不过我响屋企个阵经常会吴着底衫直接套住距，而且会幻想一个裸体的美女着上身一定会好正，特别系早上起床个阵，动作系伸懒腰，露少少胸个只.
街面比想象中要旺，原来系流动的烧烤档同臭豆腐，有排人扎住电筒晃来晃去，听距地讲也好似系打完麻将翻来，乜麻将馆有文明电筒?过左宝业路个边电力冇受影响，吴行个边，行过去荔福小食，后边偶然有车灯照过，投射到墙上的影子由远至近再变远，特别系同相反方向的人走在一齐，影子好似追捕敢交接分开，分不出谁要避开谁.吃完细腩面行翻转头，有电了.
不过件衫应该系男女装，因为两边都有排扣，可以左搭右右搭左.
添加新评论