茁壮成长

差唔多3个月响蓝图嘅实习响今日早上匆忙的搬电脑中结束左，虽然一早已经做好交接准备，不过走时都好似有好多野未完成，嗯，算啦。

晚黑公司聚餐，茂名组同中山组的都翻来，仲强烈邀请以前一批做得唔耐的同学过来一齐HAPPY，间店就好屈仄，二楼"大厅"只系做得低我地三围人（其中一围系我地广大门派），杨总带左十几支白酒葡萄酒，然后就系胡天胡地的邀酒拼酒过程，一向表现比人一种感觉嘅响呢D情况下都展现左"另外"嘅一面=.=，平时挤都唔笑嘅总监响我地台每人轮左一杯酒后祝我地节日快乐，新来嘅市场部同事响度借"酒文化茶文化"来show off下，师兄意味深长地祝我地茁壮成长，至于我，对上次酒醉仲有顾忌，而且得我一个翻河南，所以一晚都没饮到两杯。

酒过几巡之后2楼washing room就成为左我地嘅阵地，不断有人进出扣喉 - -......入去前脸红，出来后转青，前一秒仲好地地后一秒就石油喷井90度鱼雷发射陆地版三峡水坝溃堤般......

意外地收到100蚊过节费，财务君君真系越睇越靓女。