成日都琳埋晒D沉重嘅话题

Image by Namibnat via Flickr

“你地两仔爷以后都会系吓死而唔系病死。” --- 母亲大人语 曾经被很多身体上的病痛困扰着，例如个案“口腔长期出血容易得癌症”，因为补牙关系我上右4和5的牙齿之间补牙的部分十分锐利并且会不定期流牙血，又听过“舌头是身体最容易恢复的器官”，或者“长期不良进食姿势会令面部畸形”，以及两者综合体“牙齿会受舌头在长期的作用力下产生的型变”，我经常会下意识用舌头摩擦那个补牙的部分（时间应该有10年（吾好惊讶，医生话个只补牙的材料02年就没用了）），但事实是补牙失败的地方从来没好过，舌尖也因为被坚硬的补牙材料摩擦而长期有轻微痛感。“我会唔会因为口腔癌而死？”“就算唔死我会唔会成世口臭？”直到上个月用牙线的时候补牙的材料跌落一忽落来，初时没为意，后来因为少左支撑患牙部分开始作疼，没办法要去医院睇了。

又系6点半起床7点去到省口腔排筹，依然系天字第一号（迟去排队好麻烦，所以一直以来我都会很早去睇牙，追究深层原因系想早死早超生）。 “哇你只牙边度补嘎？”“米呢度咯。”（冷场）“哇呢只牙边有现代人烂成敢嘎！”（转移话题）四眼医生车开补牙的地方之后惊叹，“唔得啦一定要杜牙根”，于是开始根管治疗外带补多3只蛀牙。“今次搞完就靓晒，5年都唔洗来睇啦。”于是接落来的时间仲要去医院2次来完成治疗。

希望呢次治疗后可以令我心中的灰霾减少DD。 = =

关于身体的病痛仲有例如左脚脚踝的增生部位，令我一直有“我会跑得比人慢”的类似催眠的效果，结果真系小学田径队之后一直都是跑步测验分数最低的人，去沐足时有扳脚的动作我都会同可能识功夫的师傅讲左脚做唔到个个动作，但唔似牙齿最坏打算可以拔左佢，呢只患脚睇来会一直陪伴到我卖咸鸭蛋个日了。

晚黑整理WIKI的时候稳翻《八王子》的手打开场白，共勉之。

响我27岁生日呢一刻，已经想像到我30岁个阵嘅样，敢我仲应唔应该敢落去？我仲有没机会翻转头呢呵？呢D系米已经叫做中年危机？我又未甩头发，又唔系负资产，点解会有呢D烦恼？响我17岁个阵，我应该系预备紧会考，成面暗疮，一路H^e一路惊，好担心18岁嘅我会变成点，17岁嘅我琳紧就算读唔到大学都将会系个DESIGNER，FASHION又好GRAPHIC又好，每逢生日圣诞就会约齐以前班人XXXXX，我点估到会考之后我地真系各散东西，一年都唔见一次。 好，琳翻我地阿爸阿妈个一辈，178岁已经担起头家，一个人挨几份工，有仔有女，我呢，178岁仲系成够饭敢，结婚生仔同死亡一日遥不可及，我唔想靠屋企又唔想辛苦。我到依家都唔明佢地个辈个份勇气同承担响边度来，系环境造就定系吃嘅饮嘅都唔同呢？佢地没DHA，又没高钙低脂，但系佢地有骨气有手有脚，佢地个代永远没话乜思觉失调精神紧张花粉敏感抑郁幽闭恐惧，但系我地比人话两句就去跳楼算数，敢系米即系永远唔够旧时好呢？如果人真系进步嘅动物，敢点解上一代嘅好野硬系遗传唔到比我地先，敢又点解我成日以为下一代同我地比起身又差D呢。我阿爷睇我啊爸系米又一样没鬼用？