Maersk

今日系On Board的第一个月，暂时都觉得新鲜，做左D好多个第一或者倒数一，PUMX响LOGNET最后嘅一只柜啦，FOOTXOCKER响ITM嘅第一票货啦等等。公司提供的机会实在系多，让众人都有机会参与/主持大大小小的Project，只要你肯接的话。FOOTXOCKER嘅第一份IOP都够胆交比我呢个新人去写，觉得系一个亮点咯，就算系例行每月客户满意度调查，部门都会出个Email征集自愿者负责不同部分。偶然去左FACT Trial Team的临时办公地点，居然有早我一个月的"新人"，真系不可思议，下个下个再下个星期的例会就轮到我做Chairman，没人同你讲"跑得几快啊"，可能觉得"应当跑得这样快"吧。上D图，然后系转一篇前阵子离职的一个同事的POST。

WWW Team唔见左的钥匙，"一串钥匙引发的血案"。 Dear MALE colleagues,
WWW team lost our MALE-toilet key, its very difficult for 3 of us going to the room without the key, so if you have taken the key off our special key ring yesterday(please see pic), please kindly bring it back to us.

TAP Project，The Absolute Project，一个"令深圳成为马士基最佳办公地点"的计划，当然，人人可报名做搞手。公司三天两头就会有或大或小的Project，可能要半年，或者系几日，厕所的相架亦会跟进更新。

附近的一个小卖部，东主信耶稣嘅～

从"家"的窗口望出去，那幢69层的建筑物。 转：我在马士基的日子

HAF有个HBS（HAF Broadcast System），每日都有D八卦、好玩嘅野响里面流传，其实就系用PA来群发邮件，但HAF的呢个传统已经上升到老顶都支持的层面，响深圳Branch的介绍里赫然在目。呢个部分都系少数可以用中文的场景，但我部机显示唔到中文（OUTLOOK2000）。。。鸭子

下昼因为要更新一个表就用左同事ID登陆隔离部OUTLOOK2003，邮件有个题目居然系马士基第八套广播体操，睇埋内容，彻底无语 －v－ 每天下午4点左右隔离组就会一齐围住显示器做韵律操（？），音乐怪怪地，我多数都系被最后的三下灯灯灯声提醒投先有过集体活动来。 更新：跟左WWW Team做左一次，鸭子。。。

• 马士基第八套广播体操PDF版下载
• 什么是鸭子体操

第一期GCA Level的Fast Track結束，翻去做野就沒籍口了，來自深圳、南京、廈門、上海的同事共冶一爐，合照的相未拿到，先放上去鹽田國際碼頭（YICT）和星輝倉（STARSHINE）的照片吧。

去碼頭的那天有MSC的MSC MELISSA，達飛的CMA CGM VIVALDI和一艘HYUNDAI的，之前HR話星期四去會有MAERSK和韓進的大船，真系靠晤住（又有人話星期六去有EMMA，真系～）

留意，呢只船總共用左4支吊臂來操作，但EMMA來的時候動用左鹽田國際最高紀錄共11支（待求證）。

船有幾大？一個S字的大小。

馬士基的堆場，其實除左MAERSK之外，P&O Nedlloyd、SAFMARINE都系屬于馬士基的箱子。

更多鹽田港碼頭的相片

Star Shine 星輝倉A倉，比想象中的倉庫要大。

星期三SDOM的培訓在MAERSK LINE進行，有艘T級的模型，坐響度個個系我地嘅Consolidator。

今日早上有10个Intern报到，GOGO之前响网上识到，一日落来记得名噶系KYD，Vivian同COCO，因为后面三个都系OP，一齐培训。好吴好彩我同KYD，Vivian仲有一个客服有第三次笔试，我知自己衰乜，系一笔同二笔的分差超过左5分，所以有第三次来检验翻。二笔时要体检，没吃早餐，之前个晚都训唔好，所以偏差大左。填左D表格同交埋资料，开始响马士基物流深圳的实习。（我个名响上面变左Tony, Tang Yuanfang）……所以……

报到后各Team Manager各自领人，我被分配响FAST，KYD响HND，COCO响THD，Vivian响VAS（二面边个面就跟翻边个），呢四个Team都属HAF Department，资料显示系有233人，平均年龄25.7岁，不过流动真系惊人，平均In Postion嘅只有1.2年。之后每个Team出一份Schedule，Intern们根据计划行事，因为门禁卡，UID都未办落来，好好人嘅Joanne师傅仲借左佢张卡我方便出入。

10点到12点。Opening Session & Branch/Department Introduction。四个OP一齐，仲有个应该系HOP的Intern，不过唔知点解没来。每人都用纸折左个自我介绍牌，由THD的Vanessa做Tutor，简单介绍左Maersk，Maersk Logistics，Maersk Logistics Shenzhen Branch的历史，组织架构，客户等。之后每人翻翻队，我同住隔离楼的PXXXX（唔识串）吃饭，了解到广场北街小区被夸张成系马士基宿舍。（笑，我合租个度隔离房都系马士基，有个系MSC（地中海））

14点到16点。MCS/APM Training。由VAS的Melody主持，系教我地用内部邮件系统MCS（Maersk Communication Service）同APM（A.P.Moller Mail System），前者系一个命令行界面的终端，全部操作由命令行完成，Melody不断用“share D好玩嘅野比你地啊”来介绍功能，例如讲CC同BCC时，话追女仔可以CC多一封分手信比新女朋友，以此证明自己嘅诚意…… =___= 因为业务问题，所以邮件有好多追踪的方式，而且系RE前后文的功能比一般邮件系统要强。而后者就系Microsoft Office Outlook的马士基订造版了，多左业务需要的功能，呢个迟D再介绍下～

Trainee之后自由掌握，未领到UID，PXXXX又借佢UID我登陆（比较方便嘅野，你用相同UID登陆不同机，D信件、桌面、资料都会自动迁移到另一台机上），入到Maersk嘅Intranet，第一时间将历期的Maersk Post电子版down晒落来，翻广州之后再放上来先得。里面的Who is Who可以搜到全球的同事，大部份都有相，几得意下，每人都有一个即时通讯账号，同其他三个Intern交换晒账号，拿到密码就可以登了。令我稍稍安心嘅系，每人的桌面都有一个Power Word（金山词霸）……

我具体系XXX Department的FXXX Team里面跟PXXX的，边个洲就未安排，呢D大客户我地叫Client（其他没签约的就叫Custom），即系单对单做佢生意，每个TEAM跟唔同货物同公司，例如FXXX Team就系“Footware， Apparels，Sxxxxxx”，T取TEAM，PXXX系我地其中一个客（如果客户足够大，例如Wal-Mart，就建立一个WMT Department），其他HOP、HND、THD、VAS分别做家具、零售、散货、增值等（顺序唔知～顺便识到好多牌子）。

今日系敢多先～

拜个晚年先，照片是二面在地王31楼的新办公室映的，地毯上还在做修葺工程，手机偏黄。

算系没经过太多波折就稳到工，每日三位数的实习待遇多少可以迩补离家的不便，系呢度要列表感谢给予我帮助的各位。

几时都系偶像ms08：我会醒定D嗄啦!
蚊子：响东门一齐吃鱼翅，见到某间叫做MSK的服装店。
误打误撞的Tracy：多谢分享信息啊，过到深圳实稳你，祝早日加入OP！
FedEx的婷婷：如果入不到M还要……
仲有教我好多知识的Harry，COSCO的风风，同系MLOG的Viezen，没左你地相信我仲系度三失紧，多谢，真系多谢晒！

60分钟一个人，由部门经理和组长面。

先同经理面，内容系很详细的PRESENTATION（准备定2000词啦）同问答，之后换中文问答，系重新求证翻与投先的对话有没矛盾的地方，具体系从"团队"同"性格"两个大方向，我被捉住问"性格"呢点TORTRUE左好耐。

之后换需要请人个队的TEAM LEADER（LOGI一班为一TEAM）面，中文，继续上面的"性格"与"团队"问题讨论、实际工作遇到问题会点解决、之后介绍左下工作职责，问有没其它问题等。

建议： PRESENTATION要准备好多好多字，马想从"立体"的角度了解你。

事先了解MAERSK最近的事件有助对话。

尽量表现得活跃，OP需要活跃的性格。 都系团队。

响深圳翻广州嘅车上见到上星期六一起面试嘅中大研究生。

星期一下昼收到电话，系马士基嘅面试通知，佢系敢讲，根据经验系先笔试过关先有可能面试，SO我同HR的对话都系小心地用笔试呢个词。电话个头叫我听日（14日）去地王，我问左个好蠢嘅问题，星期六日得唔得，佢话佢地唔翻工，不如比我自己揾到得闲嘅时间再联系笔试。星期二早上我打过去，对方话星期五唔得，唯有星期四，因为时间实在太赶，点都要用1日准备同处理其他野。

所以我星期四一个人落左马士基物流响深圳嘅branch，去到个阵接待室已经有一班男女坐响度，有老嘅有嫩嘅，有好强势嘅，有好COOL嘅，有好活泼嘅，计埋自己有7男5女，过一阵就有人带我地去interroom。

流程如下：

先做50条逻辑题（中文），12分钟，我跳左2条推理2条计算算系做完，听讲底线系做25题先有得继续。

再做性格测试题（中文，马士基嘅规定系呢部分一定要用应聘者的母语，以免引起岐义），不限时，张纸结构比较奇怪，因为讲左出来就会导致测试不公平，所以我系度就唔讲了，之前有面经话专选D自私自利、孩子气嘅条目会有帮助，但我都系有碗数碗，毕竟系性格测试，人有D嘢点都系掩盖唔到。呢个时候投先发卷嘅MM就响隔离改卷，张卷好薄，张台好硬，MM好用力，所以静静的房间里只有圆珠笔大力划过台面的声音，划划划就系三个勾，咔划就系交叉，我唔觉得佢有影响我，在某种程度上。呢部分唔限时，同埋要填上应聘的职位（只要求会计或者人力填，其他位就唔洗填，又听讲性格测试的结果系直接显示你适唔适合做呢份工，我系聘Operation Assistant，所以没填到）。

填完，收卷，再填Application for Employment，大概就系将简历重新抄一次，再问D点解要入Maersk，有没相关的工作经验等，呢度填左好耐（抄左好耐）。

等待后，发卷MM入来话"我读到的三个名字坐着别动，其他的可以把表交给我然后离开，我们会在两星期内通知你"，然后就，读左我个名了，OOPS。。。。另外一个系应聘客服嘅（投先有个好明显CS相嘅女仔）女仔，仲有一个系有STRONG SALE BACKGROUND（后来HR语）嘅黑风衣黑裤子黑皮鞋应聘SALE嘅型男。

跟MM入左办公区，可能系HR嘅一个房仔里面，叫我地等下，我地三个简单了解左下对方，MM入来，关门，开始爆英文了，我当时感觉系有D晕，因为我打算万一比我过到笔试，仲会有几日时间准备面试，不过现实唔允许，唯有拿出保心安油抹左下穴位，顶住上。佢叫我地准备1分钟，我话我讲先，同MM问答左下，大概系自我简介，有乜打算，点解觉得可以做好呢份工敢，当时头脑完全空白，好在都叫听得明佢问乜，吹左7、8条题长题就问兴趣爱好，后来佢发觉我未拿到学位，就问如果系实习生做唔做，识唔识讲广州话之类，唔知过左几耐终于结束，松左啖气。接住系申CS个MM、型男，不过型男presentation仲未完就。

结束，HRMM话2-4个星期后有通知，可以走了。走时又系下一批面试者。唉左下，真系争崩头，助理个位截止发呢篇野时响智联上有5188个人申，今日睇新闻话今年毕业生未能准时就业有142万，投先同朱姐姐倾计佢接落来都会去不同公司面试，路漫漫。

PS:投先收到DHL宣讲会邀请函。