无题

今日送走左阿爷，仔女都来齐晒，香蜡衣纸烧左个几钟，点点火星在夜色中升上半空。送个阵我没喊到，在上星期六凌晨已经喊过，睇住在被胆囊癌折磨到不似人形的细小身躯和积水的肿胀腹腔的严重不合比例躯干，被尸工用白布包起，绷带绑好颈、双脚，抬上手术车，几日前我仲同佢讲野，喂佢饮橙汁，就敢走左，原本活生生的人以后再不可能讲野，好惊死啊我。

地球负能量可能达到最大值，11月阿爷、阿公、阿婆、舅父相继入院，寻日送左美姨，今日响个度都见到表哥生母办事，屋企乱晒，翻到屋企得自己一个，训到半夜醒来都系没人，个心好似分成左好多块软片，想收翻埋一个完整的都唔得，又或者讲似一张褶皱嘅纸，再也抚摸不平。谂野谂唔长，个心会好似往背脊靠来终止我思考，发短信比最钟意嘅人似乎几有效。

最近学到一样也，如果有D嘢睇翻会刺激自己，就唔好去睇唔好去想，呢个唔系态度问题，保护自己最紧要。