用左几晚睇《电车男》连续剧版，女主角伊东美咲一笑一颦令人心醉唔洗讲（后来收图个阵先知好多网上盛传的MM图片就系距），除此之外几个女配角都好出色，例如在大奥里饰演刁蛮的大典御（？）的白石美帆（两部戏中的角色都差唔多，好钟意睇距欺负电车个幕，距送比电车嘅祝福竟然系“几时想脱离处男就打电话比我”，唔知叫唔叫御姐型呢），同小鸡设定的女网友樱井千寿，后者可爱文静造型第一次登场我就知唔会系普通配角敢简单（果然后面有段故仔），响《电车男SP》中的截图
呢幅相系最接近电车男中的造型。 睇完连续剧再睇电影，觉得男女主角选角都较连续剧版差，所以没睇咯。 男同胞们一定要稳稳演OL后辈的"佐藤江梨子"图集啊。 :-?
老师将距自己的工作比我地当作业，事实没难度（如果做过嘅话），仔细分析前根据经验就可以完成，但开始做嘅话就知错。作业目的系将mapinfo数据转入arcinfo，点解？除左项目需要就只有同“只系识用arcinfo同erdas”的GPS老师知道了。
“仔细分析”情况系：
1.使用mapinfo中的arclink（安装时可选的部分）可以转point，line（arc），text，tics
2.arclink fix只有移除破碎和内插块的功能，需人工将overlaying和未闭合的polygon补完整
3.补完再转polygon
“事实”系：
其中一个polygon集已经有316614条记录（手工补完不能）
，而且用supermap转入arcinfo后clean结果只会剩1/10原大小（即全部系唔合格），尝试面转线重建拓补，不成功，每次试不同组合的容限值，失败，每转一次都需要时间同计算，单调的鼠标点击选择数据，小数点后几位的改变确认，祈祷过程不要失败（加多句软件越新越好用，se2003时转到63000条左右就会出错，sm5就没问题），呢个过程真系好bored，做几日都没进展，望下仲有成堆数据响后面，唔知其他人系点解决。
其中一日早上仲发左个白日梦，问老师点解决（事实我唔会问人功课点做（最多系抄）），老师话“你要这样这样...”，但“这样这样”我起身就唔记得左，如果距真系有讲过就太可惜了。
最后系放弃，用sm忽略拓朴关系转成coverage，复习左下arc，写左数据说明就打包（结果同没经过思考一样），发觉7zip格式几好，6XXMB打包剩4XMB（后来修改个阵发觉没得添加新文件入去，唔支持解压分卷RAR，听日转翻RAR）。
听老师点（调皮地）讲：
这套数据我们只用来做道路分析，不需要面状数据嘛 :hammer: 呢条友都玩得我地多，你去死系口头禅，不过知我少少秘密而且认真负责所以都几钟意距。
基本功系：了解项目需求。。。
相关文档：
Arc/Info-MapInfo Translation
http://www.sgsi.com/MIUserGroup/MI_2_AI.htm
ArcLink(PDF格式)
http://www.columbia.edu/acis/eds/gis/mapinfo65_pdf/ARCLINK3.PDF
印象中中科院呢类机构出嘅东西都系站在历史国家人民百年计划的高度上进行，今日见到一个轻量级搞事应用，词虎，演示系响WORD到输入一个地名，落指示，词虎就会将呢个地图调出来，作为图片插入，呢个演示摊位摆左响入门口第一个摊，演示个阿伯仲拍我膊头话好好学（但点解拿出一半嘅名片又收翻呢？莫非距紧张）唔好以为词虎个名捞捞地，居然系Can I help you的头字母，真系娱乐到家啊。 :oops:
虽然都系搞3S的人，但系上台讲个D有部分唔系专业出生（即系话口水多过茶广告露骨），一家代理多家产品的公司都将自己同华为之于思科来定位，PPT中加插中国神六升空用民族大旗讨支持，落来经过我个阵仲听到距同人讲"没什么，跟他们瞎扯"，真系瞎扯咯。
值得一提系现场HP台GIS工程打印机有D打印样板，拿左张国家地理杂志的恐龙进化地图，同我缺少的03年3月个幅恐龙都叫有交集，仲有一D三无产品礼品，翻来个阵搭翻去个阵部551，第一部220上唔到上第二部转到路口发现第一部撞左车。
其实我知道一D也，觉得其他人唔知会暗自高兴，不过又唔知人地其实知唔知，如果讲出来，人地话已经知道会好淤，但知道一D低保安级别的秘密唔讲又真系顶住条瘾敢，好，投先睇完荒岛余生(cast away)，想讲嘅系，知唔知Fedex个logo里面有个箭头？
一个国际性商标会没特别嘅造型？隐藏箭头咯
讲完，借题发挥下，唔讲人地一定唔知你嘅谂法，不如讲出来，错好对好都叫将问题摆左出来，今次我讲左出来，搞左个大头佛，相当无奈，fixing。。。
荒岛余生对睇过鲁宾逊漂流记嘅人来讲一D意义都没，例如救出来之后讲平时靠吃烟叶来打发时间，但小说中系有详细的用烟叶煮水，捂汗，烘烤等细节描写，咁样加插一句落来感觉好唔真实，钻木取火描写就太理性啦，好有科学感（故事年代都唔同可以理解），最最惊讶系谂到冲浪的时候张开"帆"可以从浪头上迎过个部分，无语 :-o
不过结尾就好好啦，细心辨认会知道最尾hans望嘅方向系xxxtina庄园，重新开始新生活嘅隐藏描写，hint系一盒亦都系唯一一盒没有拆开的fedex包裹。
如果对获救后个一段橄榄球赛事对白感到迷惑嘅，解释就系fedex向来有资助运动比赛的习惯，例如橄榄球赛，高尔夫球赛，羽毛球赛，乒乓球赛等。顺带SELL一SELL自己真系商业大片啊。
有个好得意嘅fedex flash钟：
钟意嘅可以保存落来：//cdn.tonyhead.com/pics/justintime_.swf
今日来左个米国某大学地理交通系的鬼佬，恶人临时准备一份礼物送比距，一张已经唔适合任何恶人用的广州地铁学生车卡，上面有广州metro一二号线图，同距讲嘅内容都相当符合(transportation)，恶人们响上面签左名，仲因为呢一张小小的学生车卡合影一番，鬼佬单手持卡对着镜头，仲不断发出OOPS，OOPS嘅惊叹，哈哈，真系得意啦。
终于睇完大奥华之乱章（呢度要解释下，点解我成日会用D终于，原来，犀利等惊叹语气，因为觉得生活好无瘾语言贫乏所以要用呢D字凑字数，因为其实10集连续睇都只系需要10小时），令我识到几个日本演员，例如好有邻家感觉的内山理明，智慧典雅型的高冈早纪，当然仲有就系越老越高贵有味的藤原纪香啦！ :-D
讲起纪香姐就唔可以唔讲高中一个同学，距系IQ过人但系仲懒散过我个种，因为太难搞所以坐足三年飞机位（右边飞机位就系小弟。。。），距平时都唔系追明星个只，但有一个例外，就系藤原纪香，所有同纪香有关的海报，八卦杂志，新闻都会收集，而最大新闻就系"藤原纪香放风话1000万就拍三级片"，所以距同我地班人商量过以后一定要凑够呢条数等距去做男主角。 :-?
纪香响呢部电视剧中扮演没有生育能力的正夫人（不过按历史来讲正夫人都系以前D政治婚姻，将军只系草草同距结婚，生子嗣之类都系由侧房完成），距睇唔惯一个接一个的女人进入大奥，帮将军传宗接代，然后被抛弃，又多一个受害者，所以在最后一集将处心积虑的怨恨一次过发泄落将军到（要将军用包药冲药（其实系毒药），并且要求将军用好耐都没对距做过的方法，口对口，当将军同某男的梦中情人纪香姐要发生亲密接触的一刹那，纪香凶相毕露，用手捂着将军，令将军咽下毒药），最后大概就系两个都没好下场双双死去。
到底想讲咩呢？日本仔D也做得越来越细啦，大奥人物造型，片头，插曲，场景，衣服（发现当导演想表达边个系个一幕的主要描写对象，对会将距的后衣领拉到好后露出大面积粉颈粉背）都做得无可懈击（有没错？忽然谂唔起个成语），今日听完讲座翻来响命到拿左本Hobby，对女性虚拟偶像个版流晒口水啊（接下来就睇电车男啦）！ :roll:
以为嘴到纪香姐，点知被人算计，将军大人真系唔好敢咸湿吖。 －－大奥 华之乱章
响3号线广药总站等车，上到车个司机见敢静局，话“你地依家可以唔洗来总站敢远，我地响怡乐村会有车调头，空车”，见没人答，加多句“不过响呢度等就信心大D咯”，专业啊。 
车仔出发，第二个站就系永远都敢塞之南村站，两个车站牌敢多路线嘅车站但都没分AB，所以次次打电话比屋企人问去到边，总系话“到左广百啦”，车仔靠站，慢慢龟速前进，有人扬手，开门，关门，前移，扬手，开门，十几分钟后，差唔多离开车站，有人扬手，已经驶开左个头嘅车唯有靠翻岸，开门，司机话“你唔好以为我应分开门比你，明知个站塞，埋左1X分钟都唔行过来”，乘客唯有大大声讲“唔该”来制止距继续讲落去。
下站广美，开门，司机话“唔系入大学城个D唔好上车”，见唔系学生打扮嘅都没放上来，关门，司机推左下波棍，“平时一至四[b]陪你搞搞阵[/b]，五六日就唔好来玩野”。
期间同部的士有D矛盾，司机“！@#￥！@#包含一D行车语句鱼虾蟹一串”。
有人山车话去唔去磨碟沙，司机话“大把车去磨碟沙唔好上啦”，有人话“[b]我见好空啊[/b]唔上得咩”，司机话“你上埋来啊，等阵睇睇D大学生点样插针”，唯有落翻去。
就系敢一路上车厢都保持住一般空的状态到左大学城。
飛鳥重新稳地方建立起GZ391，牛佬一弹条消息话复活左自己即刻好兴奋地去注册翻，当年上391的都系广州长城宽带用户，用同一种网络接入玩LAN系03年暑假开心的事情之一，不过根据依家嘅认人贴发觉CK用户走剩7788，大部分用户已经转左不同宽带，当然包括搞事王长鸿宽带啦。（依家又被人合并左，真系臀部灵魂）
391就系freelineone嘅意思，freelineone系当年长城宽带的官方论坛，有人嫌太长所以有侠士出手，叫做GZ391。
当年（用左好多次当年即系有归属感的意思）就系响上面识到都系CK嘅ms08，更加离奇系响里面一张转贴嘅原贴里面发现ms08嘅身影，响边都见到ms08，偶像即系偶像！ :pint:
当年长宽出事嘅记录 :-?